Náttúran.is

22.02.2012 kl. 21:41

Ábendingar frá veðurfræðingi

Léttir til og frystir við veg suðvestan- og vestanlands í kvöld og víða myndast lúmsk ísing. Í fyrramálið hvessir um tíma af austri sunnanlands og spáð er snörpum vindhviðum undir Eyjafjöllum, 30-40 m/s frá kl um kl. 06 til kl. 09 og í Öræfasveit skömmu síðar.

Færð og aðstæður

Í kvöld hafa myndast hálkublettir á Hellisheiði og í Þrengslum vegna ísingar. Hálkublettir eru einnig nokkuð víða í uppsveitum Suðurlands og við Reynisfjall vestan Víkur í Mýrdal.

Á Vesturlandi er hálka á Bröttubrekku en snjóþekja og skafrenningur á Holtavörðuheiði. Einnig eru hálkublettir á nokkrum leiðum vestanlands.

Á Vestfjörðum er hálka á Steingrímsfjarðarheiði og snjóþekja á Þröskuldum. Hálka er á flestum öðrum leiðum á Vestfjörðum og víða skafrenningur.

Um norðvestanvert landið er snjóþekja, hálka eða hálkublettir. Á Öxnadalsheiði er snjóþekja og þoka og hálka og éljagangur víða norðaustanlands.

Á Austurlandi er hálka á Fagradal, Fjarðarheiði og Oddskarði og einnig hálka eða hálkublettir á flestum öðrum leiðum.

Á Suðausturlandi eru vegir að mestu orðnir auðir.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Raunar eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin