Náttúran.is

06.02.2012 kl. 09:53

Færð og aðstæður

Á Suðurlandi eru hálkublettir á efri hluta Landvegar og flughálka á Grafningsvegi en greiðfært er á öllum helstu leiðum. Þoka er á Hellisheiði og í Þrengslum.

Á Vesturlandi eru hálkublettir í Svínadal. Flughálka og óveður er á Fróðárheiði og einnig er óveður á norðanverðu Snæfellsnesi. Hálkublettir eru á Holtavörðuheiði.

Á Vestfjörðum er hálka eða hálkublettir á flestum leiðum. Flughálka er á Vatnsfjarðarhálsi, Steingrímsfjarðarheiði, Þröskuldum, Klettshálsi og Kleifaheiði en þar er einnig óveður. Flughálka er einnig frá Bjarnafjarðarhálsi að Gjögri.

Á Norðvesturlandi er hálka og hálkublettir. Flughálka er á einhverjum útvegum. Hálka er á Öxnadalsheiði.

Norðaustanlands er hálka á Víkurskarði, Mývatns- og Möðrudalsöræfum, Hálsum og Hófaskarði.

Á Austurlandi er hálka á Fjarðarheiði en flestar aðrar leiðir eru greiðfærar.

Á Suðausturlandi eru allar helstu leiðir greiðfærar.

Ábendingar frá veðurfræðingi

Reikna má með snörpum vindhviðum, 30 til 40 m/s, á norðanverðu Snæfellsnesi í dag, frá því um kl. 09 til 10 og fram undir kvöld.

Þungatakmarkanir

Vegna hættu á slitlagsskemmdum verður viðauki 1 felldur úr gildi og ásþungi takmarkaður við 10 tonn frá kl. 10:00 mánudaginn 6. febrúar á ölum vegum í Árnes og Rangárvallasýslu nema vegi 39. Þrengslavegi, vegi 38 Þorlákshafnavegi frá Þrengslavegi að Þorlákshöfn og vegi 1. Hringvegi frá Reykjavík að Selfossi.

Vegna hættu á slitlagsskemmdum hefur viðauki 1 verið felldur úr gildi og ásþungi takmarkaður við 10 tonn á nokkrum vegum á Austurlandi og eins á Suðausturlandi alveg vestur að Hvolsvelli.

Vegna hættu á slitlagsskemmdum verður viðauki 1. feldur úr gildi og ásþungi takmarkaður við 10 tonn frá kl. 15 mánudaginn 6 febrúar á vegi 54 Snæfellsnesvegi frá Borgarnesi og öllum vegum á Snæfellsnesi.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

Hreindýr á Austur- og Suðausturlandi

Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.

Sjá má staðsetningu hreindýrasvæða hér.

Upplýsingar birtar með fyrirvara um heimild og tæknilegt aðgengi að upplýsingum
Heimild: Vegagerðin