Náttúran.is

Hvað er svona umhverfisvænt við að versla á Náttúrumarkaði?

Hér á Náttúrumarkaði, vefverslun Náttúran.is, er úrval af lífrænum, náttúrulegum og umhverfisvottuðum vörum á boðstólum. Til þess að geta veitt neytendum upplýsingar um umhverfisvænar og heilbrigðar vörur tengist hver vara ítarlegum upplýsingum um innihald, vottanir og endurvinnslumöguleika. Hugmyndin er að þegar að vafrað er um verslunina læri maður hvað merkin þýða með því að renna yfir þau. Þetta á við um umhverfismerkin, lífrænu vottunarmerkin og siðgæðis- og endurvinnslumerkin. Í dag eru yfir þrjúhundruð vörur í tuttuguogníu deildum á markaðinum og úrvalið eykst stöðugt. Stefnt er að því að geta boðið upp á vörur úr öllum vöruflokkum.

Annað sem að Náttúrumarkaðurinn á netinu getur haft fram yfir venjulegar verslanir er að í bögglinum koma margar vörutegundir heim að dyrum, í safnsendingu. Kolefnislosun og önnur umhverfisáhrif af flutningum eru því í algeru lágmarki þar sem Íslandspóstur á hvort eð er flesta daga leið heim til þín með annan póst. Að keyra á heimilisbílnum frá einni búð til annarar mengar meira og kostar þig bæði tíma og peninga.

Að versla á Náttúrumarkaðinum getur því bæði verið mun ódýrara og umhverfisvænna þegar allt kemur til alls. Veldu deild hér til hægri á síðunni. Ef þú ert að leita að ákveðinni vöru eða vilt þrengja leitina og finna ákveðið vörumerki eða vottun opnar þú Vöruleit flipann á Náttúrumarkaði.

Hvernig versla ég á Náttúrumarkaði?

Einkunn

Vatnsnotkun - viðmið

Ferskvatnsauðlindir Íslendinga eru umtalsverðar eða um 666.667 rúmmetrar á mann á ári. Til samanburðar eru vatnsauðlindir í mörgum Afríkuríkjum minni en 1000 rúmmetrar á mann á ári. Gnægð er af vatni og er vatnsnotkun yfirleitt ekki talin til vandamála á Íslandi. Í Reykjavík notar hver íbúi um 155 m3/ári eða um 155.000 lítra af köldu vatni á ári. Í Vestmannaeyjum þar sem drykkjarvatn er af skornum skammti notar hver íbúi hins vegar aðeins um 46 m3/ári af köldu vatni eða um þriðjungi minna en í Reykjavík.

Helsta vandamálið sem fylgir vatnsaustri er óþarfa orkunotkun (orka sem fer í að hita upp vatn). Vatnsnotkun getur verið æði mismunandi eftir vöruflokkum. Tökum sem dæmi 3 vöruflokka þar sem vatnsnotkun skiptir máli á notkunartímanum. Við bílþvott er það eingöngu vatnsmagn en í þvottavélum og uppþvottavélum þýðir minna vatn, minni orku sem þarf til upphitunar.

Einkunn

Vatnsból

Á Græna kortinu er hægt að fá upplýsingar um vatnsból.

Skilgreiningin sem við flokkum eftir er eftirfarandi:
Opinber vernduð vatnsból fyrir drykkjarvatn.

Sjá nánar um vatnsból hér á Græna kortinu undir flokknum „Vatnsból".

Grafík: Myndtákn Green Map® System flokksins „Vatnsból“.

Einkunn

Orka - Vatn

Vatnsnotkun er mikil á Íslandi en við stöndum enn í þeirri trú að engu máli skipti hve mikið vatn við látum renna, hvort sem það er kalt vatn í glasið eða heitt vatn í sturtuna. Hægt er að spara vatn á ýmsan hátt t.d. með því að nota „spar-sturtuhaus“ á sturtuna og láta vatnið ekki leka óþarflega lengi. Spar-sturtuhausinn notar minna en helming af því vatni sem fer í venjulega sturtu. Þú verður samt jafn hrein/nn og baðið er jafn þægilegt.

Einkunn

Málþing á 100 ára afmæli vatnsveitu Reykjavíkur

Í ár eru 100 ár frá því vatnsveita tók til starfa í Reykjavík og olli hún byltingu í lífsskilyrðum borgarbúa. Þessa hefur verið minnst með margvíslegum allt þetta ár sem og þess að Orkuveita Reykjavíkur er 10 ára.
Lokahnykkur hátíðarhaldanna er málþing um vatns- og veitumál. Það er haldið á morgun, föstudaginn 16. október í höfuðstöðvum Orkuveitu Reykjavíkur að Bæjarhálsi 1 og hefst kl. 13:00. Aðgangur að málþinginu er öllum opinn. Dagskrá þess má sjá hér.

Saga veitnanna kemur út á morgun
Að málþinginu loknu mun borgarstjórinn í Reykjavík fá afhent fyrsta eintak sögu Vatnsveitu, Rafmagnsveitu og Hitaveitu Reykjavíkur, en bækurnar koma út á morgun. Höfundar þeirra eru sagnfræðingarnir Hilmar Garðarsson, Lýður Björnsson og Sumarliði R. Ísleifsson.
Þá verður einnig opnuð á morgun sögusýningin „Vatnaskil, dropar úr sögu Vatnsveitunnar í 100 ár.“ Sýningin er í Galleríi 100° sem er til húsa að Bæjarhálsi 1, í höfuðstöðvum Orkuveitu Reykjavíkur. Á sýningunni gefur m.a. að líta kamarhurð skreytta af Jóhannesi Kjarval, listmálara.
Afmælisnefnd hefur verið starfandi frá því í byrjun afmælisársins. Í nefndinni eiga sæti þau Guðrún Zoëga sem veitt hefur starfinu forystu, Alfreð Þorsteinsson fyrrverandi stjórnarformaður Orkuveitunnar, Hólmsteinn Sigurðsson framkvæmdastjóri hjá Orkuveitunni, Jóna Gróa Sigurðardóttir fyrrverandi borgarfulltrúi í Reykjavík og Guðjón Magnússon, sviðsstjóri Umsýslu- og almannatengsla hjá fyrirtækinu.

Á fræðsluvef Orkuveitu Reykjavíkur
Margháttaðar upplýsingar og fróðleik um vatnsveituna er að finna á Fræðsluvef Orkuveitu Reykjavíkur. Hér að neðan eru tenglar á myndskeið á vefnum:
Saga vatnsveitu
Heilnæmi vatns
Vatnstökusvæði í Reykjavík
Gvendarbrunnar

Einkunn