Náttúran.is

Styrktaraðilar Náttúrunnar

Norræni menningarsjóðurinn- 2010
Alþingi Íslendinga - 2008, 2009 og 2010
Landsvirkjun - 2010
Reykjavíkurborg - 2009
Umhverfisráðuneytið - 2006 og 2009
Náttúruverndarsjóður Pálma Jónssonar - 2009
Menntamálaráðuneytið - 2009
Iðnaðarráðuneytið - 2008 og 2009
Háskóli Íslands - Verkfræði og náttúruvísindasvið - 2008 og 2009
Umhverfisfræðsluráð - 2007
Hópbílar hf. - 2007
Endurvinnslan hf. - 2007
Sjávarútvegs- og Landbúnaðarráðuneytið - 2007
Framleiðnisjóður landbúnaðarins - 2006
Minningarsjóður Margrétar Björgólfsdóttur - 2006
Bændasamtökin - 2006
Impra Nýsköpunarmiðstöð Íslands - 2005 (x2) og 2006
Atvinnuþróunarfélag Suðurlands - 2005 og 2006
Vinnumálastofnun - 2005

Sjá einnig lista yfir aðila sem stutt hafa Náttúruna með birtingu auglýsinga hér á vefnum.

Einkunn

Norræni menningarsjóðurinn - styrkir Náttúruna

Snemma árs 2010 sótti Náttúran.is til Norræna menningarsjóðsins um styrk til að vinna í samvinnu við Alþjóðlegu kvikmyndahátíðina í Reykjavík (RIFF) að því að sýna kvikmyndir sem hafa umhverfið að viðfangsefni á hátíðinni í haust og standa fyrir uppákomum þeim tengdum. Styrkumsóknin fékk jákvæðar viðtökur og styrkurinn fékkst.

Náttúran.is þakkar kærlega fyrir stuðninginn!

Einkunn

Alþingi - styrkir Náttúruna

Fyrri hluta vetrar 2007 sóttu forsvarsmenn Náttúrunnar til fjárlaganefndar Alþingis um framlag til verkefnisins á fjárlögum 2008 enda sinni vefurinn því hlutverki að samtvinna upplýsingar úr öllum áttum og þjónar þannig almannahagsmunum án þess að sérstakt gjald sé tekið fyrir þjónustuna. Eftir kynningu í umhverfismálanefnd Alþingis fékk verkefnið úthlutað styrk á fjárlögum ársins 2008.

Aftur var sótt um framlag til Náttúrunnar fyrir árið 2009 vegna þýðinga og gerðar Græns Íslandskorts á íslensku og ensku og fékk Náttúran úthlutun annað árið í röð.

Náttúran sótti enn um styrk til fjárlaganefndar fyrir árið 2010, í þetta sinn til að þróa vistvænar innkaupaleiðbeiningar fyrir almenning og grænt bókhald fyrir heimili og smærri fyrirtæki í samvinnu við Landsvirkjun og fékk Náttúran úthlutun þriðja árið í röð.

Náttúran.is þakkar kærlega fyrir stuðninginn!

Einkunn

Landsvirkjun - styrkir Náttúruna

Náttúran.is vinnur nú að gerð græns bókhaldskerfis fyrir heimili og smærri fyrirtæki til ókeypis afnota fyrir alla. Landsvirkjun tekur þátt í kostnaði við verkið ásamt ríkissjóði sem úthlutaði verkefninu styrk á fjárlögum 2010. Græna bókhaldið er unnið af Náttúruteyminu, Landsvirkjun og öðrum sérfræðingum og verður aðgengilegt hér á vefnum innan tíðar.

Náttúran.is þakkar kærlega fyrir stuðninginn!

Einkunn

Reykjavíkurborg - styrkir Náttúruna

Sumarið 2009 tók Náttúran.is þátt í samkeppni á vegum Höfuðborgarstofu um hugmyndir sem fælust í nýrri þjónustu við ferðamenn í borginni. Náttúran.is lagði til að Reykjavíkurborg kostaði þróun græns korts fyrir borgina og myndi birta tengla á Green Map Reykjavík af vefsetrum á vegum borgarinnar. Green Map Reykjavík var eitt af sjö verkefnum sem hlaut viðurkenningu. Fyrsti tengillinn er af vef Höfðuborgarstofu visitreykjavik.is á ensku útgáfu vefkortsins Green Map Reykjavík og er hugsaður til að hvetja erlenda ferðamenn til að nýta sér grænu kostina í borginni.

Náttúran.is vinnur Grænt Reykjavíkurkort/Green Map Reykjavík í samvinnu við Green Map System® og Land- og ferðamálafræðistofu Verkfræði og Náttúruvísindasviðs Háskóla Íslands.

Náttúran.is þakkar kærlega fyrir stuðninginn!

Einkunn